China kies eerste twee vroulike ruimtevaarders
2010-03-11 01:02
Beijing – China het vir die heel eerste keer twee vrouens tot hulle span van ruimtevaarders verkies wat in die toekoms op die land se ruimtemissies sal dien, het die plaaslike media gesê.
Die twee vrouens wat nie geïdentifiseer is nie, was beide vlieëniers in die People's Liberation Army (PLA) se lugvleuel, het Zhang Jianqi, die voormalige adjunk-bevelvoerder van die land se ruimteprogramme, wat net uit mans bestaan het, gesê.
China het sy eerste groep van 14 ruimtevaarders in die negentigerjare gekies en het tot dusver slegs ses van dié groep die ruimte ingestuur.
China het die derde land geword wat ‘n man in 2003 na die ruimte gestuur het.
In September 2008 het China sy eerste ruimtereis geloods wat ‘n ruimtewandel behels het.
Zhang het gesê slegs getroude vrouens kon gekies word, “omdat ons glo hulle is meer volwasse".
Hy het bygevoeg dat “vroulike ruimtevaarders sekere voordele geniet wat mans nie oor beskik nie”.
-Sapa-AFP