China huiwer om hulp te aanvaar
2009-12-14 08:51
Beijing - China het gesê hulle gaan moontlik nie hulle deel van die finansiering wat aan ontwikkelende lande verleen word vir die vermindering van klimaatsverandering, aanvaar nie, het die Financial Times Maandag berig.
“Die finansiële hulp wat verleen word aan ontwikkelende lande is verplig volgens wet,” het He Yafei, die buitelandse adjunkminister van Denemarke in ’n onderhoud met die koerant gesê.
“Dit beteken nie dat China hulle deel van die begroting gaan aanvaar nie. Ons verwag ook nie dat Amerika, Europa en sommige ander lande geld aan China sal gee nie.”
Die wêreld se grootste besoedelaar het gesê ontwikkelde lande moet die voortou te neem en daaraan toegewyd wees om spesifieke doelwitte vir die vermindering van koolsuurproduksie te bereik.
Hulle moet terselfdertyd finansiële hulp verleen aan ontwikkelende lande om klimaatsverandering te beveg.
Die Europese Unie het tot dusver op 'n bedrag van €7.2 miljard (R79 miljard) ooreengekom om aan ontwikkelende lande te gee, maar die berdag is as ondoeltreffend afgemaak.
Beijing het ook geëis dat ryk lande tegnologiese hulp moet verleen om aardverhitting te beveg.
Te midde van ’n woordwisseling met die VSA by die Kopenhagen-beraad, wat Vrydag tot ’n einde sal kom, het Yafei dit as ’n vreedsame voorval beskou.
"China sal nie ’n struikelblok vir ons wees nie,” het Yafei aan die Financial Times gesê.
"Ek besef dat mense vir China sal blameer as daar geen ooreenkoms bereik word nie. Die ontwikkelde lande moet egter na hul eie posisie kyk en nie vir China as ’n verskoning gebruik nie.”
Die wêreld se twee grootste besoedelaars van koolsuur-uitlatings het koppe gestamp oor hoe om die druk van die vermindering van koolsuurproduksie te deel én oor of die VSA enigsins geld aan ontwikkelende lande vir klimaatsverandering skuld.
Die Chinese premier Wen Jiabao, asook pres. Barack Obama sal na verwagting Woensdag in Kopenhagen aankom.
- Sapa-AFP