China: 17 sterf in myn-ontploffing

2011-10-05 11:23

Beijing – Die dodetal van ‘n ontploffing by ‘n steenkoolmyn in suidwes-China het tot 17 gestyg.

Volgens die amptelike Xinhua-nuusagentskap was 28 mynwerkers in die skag toe die ontploffing Dinsdag in die Guizhou-provinsie plaasgevind het.

Elf mense is gered en word in ‘n hospitaal behandel.

Vroeëre berigte het gesê 13 mynwerkers is dood, maar drie van die werkers wat gered is, is later in die hospitaal dood en ‘n ander lyk is Woensdagoggend uit die skag gehaal.

Xinhua het nie bekendgemaak wat die oorsaak van die ontploffing was nie.

China se steenkoolmyne is die gevaarlikste in die wêreld, alhoewel die veiligheidsrekords in onlangse jare verbeter het met die sluiting van kleiner, onwettige myne.

– Volg Nuus24 op Twitter

 

- Sapa - AP