Chili-slagoffers trotseer yskoue onweer
2010-03-08 11:48
Concepcion - Swaar reënbuie en yskoue weer het Sondagnag bygedra tot die ellende van die slagoffers en oorlewendes van Chili se verwoestende aardbewing, tsoenami’s en naskokke.
Talle oorlewendes het noodgedwonge skuiling in vervalle tente of bouvallige skuilings gesoek nadat hulle hul huise weens dreigende naskokke moes verlaat het.
Minstens 30 stede en dorpe het erg skade gely en sowat 500 000 huise onleefbaar gemaak.
Owerhede is tans besig om die skade van geboue en huise oor die streek te bestudeer om te kyk of dit veilig genoeg is vir die eienaars om terug te keer.
Intussen moet die meeste mense gelukkig wees met skuiling in die vorm van ‘n tent of 'n groot plastieksak wat oor die takke van palmbome gegooi is sedert die reënweer Sondag begin het.
-Sapa-AFP