Chili: President skep 60 000 nuwe werke
2010-03-19 12:17
Santiago – Chili se nuwe pres. Sebastian Pinera het belowe om 60 000 nuwe werke te skep as deel van ‘n herkonstruksie poging ná die massiewe aardbewing wat die land verlede maand getref het.
Pinera het verlede week geskat dat dit ongeveer $30 biljoen sal kos om die land te herbou. Hy het egter gesê hy is besig om hulpmiddels van die nasionale begroting te hersien, wat sodoende kan help om die onkostes vir die herkonstruksie van die land te help dra.
Beamptes in die nuwe regering is tans besig om ‘n finale dodetal saam te stel, nadat amptelike syfers nie ooreengestem het nie.
Pinera het Donderdag aangekondig dat die dodetal op 400 staan.
Sowat twee miljoen mense is dakloos gelaat.
- Sapa-AFP