Chavez te siek om inhuldiging by te woon
2013-01-09 08:52
Caracas – Hugo Chavez, president van Venezuela, sal nie sy geskeduleerde inhuldiging Donderdag kan bywoon nie, het die regering Dinsdag bevestig.
Nicolas Maduro, die land se adjunkpresident, het Dinsdag in ‘n brief aan die Nasionale Vergadering se voorsitter, Diosdado Cabello, gesê dat Chavez se hersteltydperk tot ná 10 Januarie sal strek en dat hy weens daardie rede nie sy inhuldiging sal kan bywoon nie.
Maduro het bygevoeg dat Chavez op ‘n latere datum voor die hooggeregshof ingesweer sal word.
Spanning tussen die regering en die opposisiepartye het die afgelope tyd toegeneem as gevolg van ‘n grondwetlike geskil oor die moontlike uitstel van die seremonie.
Chavez het verlede maand sy vierde kanker-verwante operasie in Kuba ondergaan en het sedertdien nog nie weer ‘n publieke verskyning gemaak nie.
Die opposisieleier, Henrique Capriles, het Dinsdag gesê Chavez se huidige termyn kom Donderdag grondwetlik tot ‘n einde.
Ander opposisieleiers het gesê die inhuldiging kan nie wettiglik uitgestel word nie, en dat die Nasionale Vergadering se voorsitter moet as tussentydse president moet instaan.
– Volg Nuus24 op Twitter
- Sapa - AP
