Chavez se chemo suksesvol afgehandel

2011-09-23 13:19

Caracas – Venezuela se president, Hugo Chavez, het gesê sy chemoterapie is afgehandel en hy voel soos ‘n nuwe mens.

Chavez was optimisties dat sy behandeling in Kuba suksesvol was en beplan om voort te gaan om die land na ‘n sosialistiese regime te stuur.

Hy het gesê hy het Woensdag sy vierde en laaste ronde chemoterapie ondergaan en hy voel asof hy “weer gebore” is.

Chavez het ná die behandeling ‘n reeks mediese toetse ondergaan en daarna Kuba se aktuele sake met die land se voormalige leier Fidel Castro bespreek.

Die linksgesinde leier het Donderdag by die Simon Bolivar Internasionale-lughawe gepraat. Hy het in Junie ‘n operasie aan sy bekkenholte ondergaan om ‘n gewas te verwyder.

– Volg Nuus24 op Twitter.

- Sapa - AP