Chavez: 'Dit gaan goed met my'
2011-09-30 16:10
Caracas – President Hugo Chavez het Donderdag voor joernaliste verskyn om berigte wat beweer dat sy gesondheid agteruit gaan te ontken.
Hy het gesê dit gaan goed, terwyl hy besig om van sy kankerbehandeling te herstel.
Die president van Venezuela het by die Miraflores presidensiële paleis opgedaag, toegerus met ‘n bofbalhoed en -handskoen terwyl hy met ‘n bal gespeel het.
Hy het kommentaar oor sy gesondheid gelewer en het wat hy ‘n “morbiede, kras en onmenslike veldtog” teen hom noen, veroordeel.
“Ek wil bal speel, ek jeuk om te gaan,” het die 57-jarige Chavez in sy eerste openbare verskyning in ‘n week gesê.
Sy kommentaar volg op berigte deur die El Nuevo Herald wat anonieme bronne aangehaal het dat Chavez na ‘n militêre hospitaal gehaas is vir noodbehandeling nadat sy nier ingegee het.
Een bron het aan die koerant gesê dat die leier “oor die algemeen in ‘n redelike ernstige toestand” was.
Nietemin het Chavez die gerugte vinnig ontken.
“Dit gaan goed met my. Ek herstel dag na dag. Dit vereis baie dissipline, maar ek het dit,” het hy in ‘n telefoon-onderhoud vroeër in die dag met die staat-uitsaaier VTV gesê.
– Volg Nuus24 op Twitter
- AP