Cameron beloof EU-referendum teen 2017

2013-01-23 17:29

Londen – Die Britse premier, David Cameron, het Woensdag onderneem om teen 2017 ‘n referendum te hou as sy party die volgende verkiesing wen, wat Britte die keuse sal gee om deel van die Europese Unie te bly of dit te verlaat.

Cameron het in ‘n toespraak gesê hy wil die terme van Brittanje se EU-lidmaatskap onderhandel en “wanneer ons daardie nuwe ooreenkoms onderhandel het, sal ons die Britse mense ‘n referendum gee met ‘n baie eenvoudige keuse van in of uit.”

Brittanje se nuwe verhouding met die EU moet een wees,“ met die enkele mark in sy middelpunt,” het Cameron gesê.

Hy het gewaarsku dat as die EU versuim om die hervormings wat hy wil hê in te stel, kan Brittanje uit die EU “dryf”.

– Volg Nuus24 op Twitter
 

- AFP