Cain ontken seks-bewerings
2011-11-01 13:10
Londen – Die Amerikaanse republikein en moontlike kandidaat vir die presidentskap Herman Cain het bewerings van seksuele teistering wat dateer uit die 1990’s ontken.
“Ek het nog nooit enigiemand seksueel gesteister nie,” het hy aan die Amerikaanse nuusagentskap Fox News gesê.
Die koerant Politico het berig twee vroulike werknemers het gekla oor seksueel suggestiewe gedrag van Cain tydens sy tyd aan die hoof van ‘n drukgroep vir restaurante.
Die koerant het berig die Nasionale Restaurantvereniging het die vroue betaal om die groep te verlaat en nie verder oor die aantygings uit te brei nie.
“Ja, ek was vals beskuldig terwyl ek by die Nasionale Restaurantvereniging was,” het hy gesê. “Ek sê ‘vals,’ want ‘n volledige ondersoek het bevind die aantygings is ongegrond.”
– Lees meer hier.
– Volg Nuus24 op Twitter.