CIA-baas Petraeus bedank oor affair
2012-11-10 09:13
Washington – Die direkteur van die CIA, genl. David Petreaus, het as hoof van die Amerikaanse intelligensiediens bedank nadat hy gebieg het oor 'n buite-egtelike verhouding.
Petraeus (60) het Vrydag in 'n brief aan kollegas gesê dat hy Donderdag met pres. Barack Obama vergader het en gevra het om "toegelaat te word, vir persoonlike redes, om uit my pos te bedank."
"Ná 'n huwelik van 37 jaar het ek uiterse swak oordeel gewys deur in 'n buite-egtelike verhouding betrokke te raak," het hy in die brief geskryf.
"Sulke optrede is onaanvaarbaar vir 'n huweliksmaat sowel as vir die leier van 'n organisasie soos hierdie."
Obama, wat Dindag vir 'n tweede termyn as president van Amerika herverkies is, het in 'n verklaring gesê hy aanvaar Petraeus se bedanking en het hom geprys vir sy werk by die CIA sowel as sy leierskap as bevelvoerder van soldate in Irak en Afganistan.
Die vrou met wie Petraeus die affair gehad het is glo Paula Broadwell die skrywer van sy biografie, All In.
Lees die volledige artikel hier.
Volg Nuus24 op Twitter
- SAPA
