CIA-aanvaller na basis genooi
2010-01-01 03:26
Washington - Die Associated Press berig dat die selfmoordbomaanvaller, wat verantwoordelik was vir die dood van 7 agente by die Amerikaanse spioenasiediens (CIA) se basis in die ooste van Afganistan, uitgenooi was en nooit deursoek is nie.
‘n Voormalige senior intelligensie amptenaar het gesê die CIA wou die man as ‘n informant aanstel en dat dit die eerste keer was dat hy binne die CIA-kamp gekom het.
Die amptenaar het gesê ‘n senior en ervare CIA ondervraer het spesiaal vanaf Kaboel gereis vir die ontmoeting, wat voorstel dat die doel van die ontmoeting was om intelligensie te bekom.
- Sapa-AP