Busongeluk eis 17 trougaste

2013-02-23 15:11

Peshawar – Minstens sewentien mense, wat na 'n troue in die noordweste van Pakistan onderweg was, is dood nadat hul bus die pad verlaat en in 'n kanaal beland het.

Volgens die polisiewoordvoerder Asif Sharif word elf mense steeds vermis sedert die ongeluk Vrydag naby die stad Peshawar plaasgevind het.

Sharif het gesê die slagoffers was familie van die bruid en na die stad Marden onderweg toe die ongeluk gebeur het.

Pakstan het een van die swakste padveiligheidsrekords.

Paaie is in 'n slegte toestand en baie motors is onpadwaardig. Verkeerswette word ook gereeld verontagsaam sonder vrese vir vervolging

Volg Nuus24 op Twitter.


 

- AFP