Burkas ook in België verban
2011-05-26 10:05
Brussel – België sal binnekort die tweede Europese land word om die burka in openbare plekke te verban ná die parlement ‘n wet ingesweer het om dié kopstuk te verbied, het die wetgewer gesê.
Die wet het stilweg verlede week die hoërhuis se goedkeuring ontvang toe ‘n oorweldigende meerderheid ten gunste daarvan gestem het.
Die nuwe wet sal volgende maand van krag wees.
Frankryk was die eerste land om die burka te verban en die wet is daar sedert 11 April daar van krag.
Die Belgiese wet verban alle klere wat die gesig toemaak.
“Dit is ‘n wet wat gelykheid tussen mans en vroue benadruk,” het wetgewer Daniel Bacquelaine gesê.
Die wet is in April 2010 reeds ingestem, maar is nou eers ingesweer nadat verkiesings die proses vertraag het.
“As ons ‘n deursigtige samelewing wil nastreef, is die gesig uiters belangrik,” het Bacquelaine gesê. “Die gesig is waar menslikheid te sien is.”
Volg Nuus24 op Twitter.
- AFP