Brittanje lig verbod op gay-bloed
2011-09-08 20:59
Londen – Brittanje gaan die verbod op
homoseksuele bloedskenkers lig, mits hul laaste seksuele kontak met ‘n ander
man meer as ‘n jaar gelede was.
Die Britse gesondheidsdepartement het
aangekondig dat die verandering vanaf November geïmplementeer sal word.
‘n Onlangse studie het getoon dat daar geen
bewyse is om die verbod op bloed wat deur homoseksuele mans geskenk is, te regverdig nie.
Ander lande, insluitend Australië, Japan,
Suid-Afrika, Swede en Nieu-Seeland, laat homoseksuele mans toe om bloed te
skenk, met soortgelyke voorwaardes.
In Kanada en Amerika mag homoseksuele mans
egter nié bloed skenk nie.
Volg Nuus24 op Twitter.
- Sapa - AP