Britse verdagtes het meer as agt aanvalle beplan

2012-10-22 17:31

Londen – Drie Britse mans het beplan om selfmoordbomaanvalle te loods wat baie erger kon uitdraai as die aanvalle op 7 Julie 2005 in Londen, het ‘n hof Maandag in Londen gehoor.

Altesaam 51 mense is dood en meer as 700 beseer toe vier Britse Islamiete gekoördineerde selfmoordbomaanvalle in Londen se ondergrondse treinstelsel uitgevoer het.

Irfan Naseer, Irfan Khalid en Ashik Ali word daarvan beskuldig dat hulle sentrale figure in die aanval was.

“Die polisie het dit reggekry om ‘n plan omver te werp wat terreuraanvalle wou loods, wat dalk baie erger as die aanvalle in Julie 2005 kon wees,” het die aanklaer Brian Altman gesê.

“Die beskuldigdes wou agt rugsakbomme detoneer in ‘n selfmoordbomaanval en wou ook tydbomme detoneer in stampvol gebiede om massa sterftes en verliese te veroorsaak.”

“Een van hulle het selfs ‘n plan beskryf om nog ‘n 9/11 te veroorsaak.”

Al drie die mans word daarvan beskuldig dat hulle terreuraanvalle wou loods. Hulle al drie pleit egter onskuldig.

– Volg Nuus24 op Twitter
 

- Reuters