Britse polisie vat nóg 6 terreur-verdagtes vas
2011-09-22 22:06
Londen – Die Britse polisie het die agste verdagte in ‘n
anti-terreur operasie wat Islamitiese ekstremiste teiken in hegtenis geneem.
Ses mans en ‘n vrou wat van die magtiging,
voorbereiding of aanhitsing van ‘n daad van terreur verdink word, is reeds Sondagaand
in hegtenis geneem.
Die ses wat Sondagaand in hegtenis geneem is,
het almal Britse paspoorte.
Hulle word tans in aanhouding ondervra.
Die polisie het tot Sondag om hulle aan te kla
of weer vry te laat.
“Die polisie het nog ‘n man in verband met ‘n
anti-terreur operasie in Birmingham in hegtenis geneem,” het die West Midlands
polisie in ‘n verklaring gesê.
Volg Nuus24 op Twitter.
- Sapa - AFP