Britse man agter tralies oor kokaïen op Bali

2013-01-29 14:51

Denpasar – ‘n Britse man wat deel was van ‘n dwelmbende op die Indonesiese eiland Bali is Dinsdag ses jaar tronkstraf opgelê vir die besit van kokaïen.

Julian Ponder (43) word verbind met Lindsay Sandiford, ‘n Britse ouma wat verlede week tot die doodstraf gevonnis is vir haar rol in wat amptenare as ‘n “groot internasionale sindikaat” beskryf.

Die waarnemende regter, Gunawan Tri Budiono, het aan die Denpasar-hof gesê Ponder is skuldig bevind aan die besit van 23,04 g kokaïen met ‘n waarde van $6 000 (byna R55 000).

Sy vonnis is ligter as die sewe jaar wat aanklaers voorgestel het.

–Volg Nuus24 op Twitter

 

- Sapa - AFP