Britse helikopter stort in see neer

2012-10-23 09:48

Londen – ‘n Helikopter wat werkers van ‘n olieboor op see vervoer het, het volgens die Britse kuswag in die Noord-See neergestort.

Al 19 mense aan boord die helikopter is gered.

Die kuswag het in ‘n verklaring gesê dat die Super Puma-helikopter met sy groot skroef eerste in die see geval het.

Die helikopter het nog op die wateroppervlak gedryf toe die kuswag op die toneel aankom. Die 19 passasiers is van 'n reddingsboot af gered.

Oliemaatskappye gebruik gereeld helikopters om hul werknemers vanaf die kus na oliebore te vervoer.

Veiligheid is egter al lank ‘n bekommernis, met veral die Super Puma-helikopter wat al in ‘n paar ongelukke betrokke was.

Die Bond Aviation Group moes vroeër vanjaar van hul vlugte uitstel ná ‘n Super Puma ook in die Noord-See neergestort het. In April 2009 is 16 mense dood toe 'n Super Puma in die see neergestort het weens probleme met 'n ratkas.

– Volg Nuus24 op Twitter

 

- AP