Brand naby atoomsentrum raak groter
2010-08-13 12:01
Moskou – Veldbrande naby Rusland se hoof-atoom-navorsingsentrum het vergroot en nooddienste werk tans daaraan om die brand onder beheer te hou, het beamptes Vrydag gesê.
Rusland het duisende brandbestryders ontbied om die veldbrande te blus.
Die brande is naby die atoom-navorsingsentrum in Sarov – ‘n dorp in die Nizhny Novgorod-area wat steeds vir buitelanders gesluit is soos in die Sowjet-tye.
“Die brand, wat twee dae terug in die oostelike deel van die natuurreservaat voorgekom het nadat weerlig ‘n denneboom getref het, het vergroot en stel nou ‘n sekere gevaar voor,” het Vyachesla Kormilitsyn, Mordovia se hoof van die ministerie van noodgevalle, in ‘n verklaring gesê.
Volg Nuus24 op Twitter.
- Sapa - AFP