Brand eis 6 in Moembaai

2013-01-25 14:28

Moembaai – Ses mense is dood toe ‘n brand Vrydag in ‘n informele nedersetting in Moembaai uitgebreek het, het nooddienste gesê.

Nog honderde ander is dakloos gelaat.

Altesaam 12 brandweerwaens en 11 vragmotors met watertenke het na die digbevolkte Nayanagar-nedersetting in die Mahim-woonbuurt gejaag nadat die brand kort voor sonsopkoms uitgebreek het, het die brandweer gesê.

“Altesaam ses mense is dood en drie is beseer,” het Ishwar Kamble, assistent-stasiebeampte, aan AFP gesê.

Ongeveer 150 hutte is deur die brand vernietig, het hy bygevoeg. Die oorsaak van die brand was nog onbekend.

– Volg Nuus24 op Twitter

 

- Sapa - AFP