Brand by klerefabriek eis 21
2010-02-26 11:35
Dhaka – Minstens 21 klerewerkers het gesterf en sowat 50 is gewond toe ’n brand Donderdagaand by ’n klerefabriek in Dhaka in Bangladesj uitgebreek het, het die plaaslike media berig.
Talle werkers het weens rookinaseming versmoor en sommige is vertrap nadat werkers uit die fabrieke gestorm het.
Die brand het op die sewende verdieping van die Garib & Garib-klerefabriek in die noorde van Dhaka uitgebreek, het die Daily Star berig.
Dit het brandbestryders sowat twee ure geneem om die vlamme te blus, het amptenare by die brandweerdepartement gesê.
Die oorsaak van die brand is nog nie vasgestel nie, maar die regering het ‘n komitee aangestel om die gebeure romdom die brand te ondersoek.
Die 15 slagoffers was almal vrouens, het reddingswerkers gesê.
Die beseerde slagoffers se brandwonde is by ‘n plaaslike hospitaal behandel.
Sterftes weens brande by klerefabrieke in dié land is glo ‘n algemene verskynsel, omdat veiligheidsmaatreëls nie op standaard is nie.
-Sapa-dpa