Brand breek uit by Irakse tronk, 9 sterf
2011-09-19 16:55
Bagdad – Altesaam nege gevangenes is dood en talle ander beseer toe ‘n brand Maandag by ‘n tronk in Irak uitgebreek het, het veiligheidsbeamptes gesê.
“Nege gevangenes is dood en 14 beseer deur ‘n brand wat deur elektriese probleme in ‘n tronk in Baladiyat veroorsaak het,” het Haidar al-Saadi, woordvoerder vir die departement van justisie, aan die nuusagentskap AFP gesê. Dié buurt is in die ooste van die Irakse hoofstad, Bagdad, geleë.
Saadi het geen verdere inligting oor die aard van die elektriese probleme verskaf nie.
‘n Beampte van die departement van binnelandse sake sê die brand het om 05:00 (03:00 SA tyd) uitgebreek.
‘n Beampte by die Ibn Nafis-hospitaal in die sentrale deel van Bagdad sê vier tronkbewaarders is vir brandwonde behandel.
Volg Nuus24 op Twitter.
- Sapa - AFP