Bomverdagte in Aus vasgetrek
2011-07-26 10:49
Melbourne – Swaargewapende polisiebeamptes het ‘n man noord van Melbourne, Australië, in hegtenis geneem aangesien hy verdagte items besit het.
Die polisie het vermoed die man het items besit wat gebruik word om ‘n bom te vervaardig.
Die 32-jarige verdagte is Dinsdag in die dorp Castlemaine in hegtenis geneem nadat die polisie ‘n klopjag op sy huis uitgevoer het.
“Die ondersoek hou verband met die beweerde besitting van stowwe en items wat help om plofbare toestelle te vervaardig,” het die polisie in ‘n verklaring gesê.
Geen verdere inligting is verskaf nie.
Volg Nuus24 op Twitter.
- Sapa - AFP