Bom in Afganistan eis 14
2009-08-13 10:05
Kaboel – Twee bomontploffings het 14 mense van Afganistan se lewens geëis, insluitende 11 van een familie, het amptenare Donderdag gesê.
Aanvalle deur radikale groepe neem toe met die nadering van die verkiesings wat volgende week in die land gaan plaasvind.
Die ontploffings het Woensdag in die suidelike provinsies van Helmand en Kandahar plaasgevind.
Die provinsies is Taliban vestings waar duidende Westerse soldate sukkel om vrede in verskeie areas te bewaar voor die verkiesings wat op 20 Augustus plaasvind.
In die ernstigste geval nog het ‘n bom langs die pad ‘n minibus in Helmand getref, het Daud Ahmadi, woordvoerder van die provinsiale regering gesê.
“Die gevolg was die dood van 11 mense van dieselfde familie wat aan boord was. Slegs een dogtertjie van ongeveer ses het oorleef.”
“Op hierdie stadium weet ons nie presies hoeveel vroue, mans en kinders dood is nie, al wat ons weet is dat die 11 lede van dieselfde familie was.”
Binnelandse sake het die ontploffing bevestig maar die dodetal op nege gelaat.
In nog ‘n bomontploffing is drie kinders wat Woensdag in Kandahar gespeel het dood, het polisie gesê.
“Al drie kinders was seuns tussen die ouderdomme van ses en 11,” het die provinsiale polisiehoof Mohammad Shah Khan gesê.
- Sapa