Boeing draai terug toe enjin uitsny
2012-04-02 12:00
Video - Vliegramp in Siberië eis 32 lewens
Minstens 32 mense is dood nadat 'n Russiese passasiersvliegtuig in Siberië neergestort het. Kyk hier na 'n video.
KYK
Hongkong – 'n Passasiersvliegtuig van die Cathay Pacific-lugredery wat na Parys onderweg was, is vroeg Maandag gedwing om na Hongkong terug te draai ná een van die enjins onklaar geraak het, het 'n woordvoerder vir die lugredery gesê.
Die Boeing 747-400, wat Sondag middernag in Hongkong opgestyg het, het 348 passasiers vervoer.
"Ongeveer 15 of 20 minute ná dit opgestyg het, het die vlieënier ontdek dat die derde enjin onklaar geraak het, so hy het besluit om terug te draai na Hongkong," het Thomas Lau van Cathay Pacific aan die nuusagentskap AFP gesê.
"Dit het ongeveer 01:15 (17:15 GMT) in Hongkong geland," het Lau gesê. Alle passasiers is op 'n ander vlug geplaas, en daar was geen beserings nie.
Lau sê die lugredery ondersoek die insident.
'n Vlug van Cathay wat in Desember van Londen na Hongkong onderweg was, is gedwing om 'n noodlanding in Moskou te maak ná rook in die stuurkajuit opgemerk is.
Cathay moes vroeër in dieselfde maand ook 'n vlug by 'n lughawe in Shanghai kanselleer ná rook in die stuurkajuit opgemerk is. Nege mense is tydens dié voorval beseer.
– Volg Nuus24 op Twitter.
- AFP
