Blogger vir vyf jaar tronk toe
2011-02-14 19:00
Nicosia - Die vroulike Siriese blogger Tal al-Mallouhi is vyf jaar tronkstraf opgelê nadat sy glo “inligting aan ‘n ander land verklap het", het ‘n Britse instelling vir die waarneming van menseregte in Sirië gesê.
“Die staatsveiligheidshof in Damascus het Maandag die blogger Tal al-Mallouhi vyf jaar tronkstraf opgelê,” het die instelling in ‘n verklaring gesê.
Sirië se Al-Watan-koerant het in Oktober berig die owerhede beskuldig Mallouhi, ‘n 19-jarige hoërskoolleerling, daarvan dat sy ‘n spioen vir die Amerikaanse ambassade in Egipte is.
Dié aanklag is deur Washington ontken. Die Amerikaners het Saterdag gevra Mallouhi moet “onmiddellik” vrygelaat word.
Daar is beslag gelê op Mallouhi se rekenaar, CD’s en boeke. Haar blog het meestal digkuns en sosiale kommentaar oor Palestynse gebeure bevat.
- Volg Nuus24 op Twitter
- Sapa - AFP