Blogger mag nie land verlaat
2009-10-13 05:24
Havana, Kuba – ‘n Blogger van Kuba, wat ‘n internasionale sensasie geword het vir haar eerlike kritiek oor haar land se kommunistiese sisteem, het gesê dat die regering Maandag geweier het om haar toestemming te gee om New York toe te gaan om ‘n top-joernalistieke toekenning te ontvang.
Yoani Sanchez het gehoop om na Columbia Universiteit te gaan om haar Maria Moors Cabot Prys, die oudste internasionale toekenning in joernalistiek, te ontvang.
“Immigrasie het sopas bevestig dat ek verbied is om die land te verlaat,” het sy op haar “Generation Y” blog gesê.
Die regering het niks bevestig nie, maar die Kubaanse owerhede lewer bykans nooit kommentaar oor sulke onderwerpe nie.
Reynaldo Escobar, Sanchez se man, wat sy eie blog gebruik om kritiek te lewer oor die alledaagse lewe in Kuba, het in ‘n telefoon onderhoud gesê dat sy vrou die oggend spandeer het om haar reisversoek met immigrasie-amptenare te bespreek.
Sy het daarna die inskrywing op haar blog gemaak.
In Mei het die Kubaanse owerhede Sanchez verhoed om Madrid toe te vlieg om die Ortega v Gasset Prys vir digitale joernalistiek te ontvang vir die ontwikkeling van “Generation Y”, wat meer as een miljoen besoekers ‘n maand ontvang.
Sy is rondom dieselfde tyd deur Time tydskrif as een van die wêreld se 100 mees invloedryke persone aangewys.
Sanchez gebruik “Generation Y”, wat in April 2007 begin is, om eenvoudige maar fassinerende insigte oor moderne Kuba te gee en sy is nie bang om die land se totalitêre sisteem, die armoede of die kroniese lae moraliteit en wanindruk wat talle burgers sukkel om te oorkom, te kritiseer nie.
Sy is een van die min Kubane wat dit waag om Kuba se een-party regering so openlik af te keur en sy het meer navolgers af van die eiland as op dit.
Internet toegang na haar blog is dikwels in Kuba geblok en Sanchez blameer die regering.
Hulle het geweier om kommentaar te lewer.
- Sapa