Bloedvergieting duur voort in Irak

2013-02-04 10:40

Kirkuk – Vier mense is oornag in Kirkoek, sowat 230 km noord van die Irakese hoofstad Bagdad, doodgeskiet, het amptenare Maandag gesê.

Dié geweld volg enkele ure ná ‘n gekoördineerde aanval op ‘n polisiestasie in Kirkoek meer as 30 lewens geëis het.

‘n Gewapende man het volgens 'n sekerheidsbeampte om middernag op vier mans in ‘n karavaan losgebrand. Al vier is in die aanval dood.

'n Totaal van 32 mense het Sondag ook oor Irak heen in ander voorvalle van geweld gesterf.

Altesaam 30 van dié slagoffers is dood in ‘n selfmoordbomaanval en 'n aanval deur 'n gewapende groep op 'n polisiestasie.

Niemand het verantwoordelikheid vir dié aanval aanvaar nie.

AFP het vroeër berig dat 246 mense verlede maand in geweld in Irak dood is.

– Volg Nuus24 op Twitter

- Sapa - AFP