Biskop wat dronk bestuur, gesteun
2010-02-24 19:10
Duitsland - Die Protestante Kerk in Duitsland se kerkraad het Woensdag sy steun aan hul hoof-biskop gegee nadat die nuus van sy wat in die geselskap van ’n ongeïdentifiseerde man dronk bestuur het, onthul is.
Margot Kaessmann word gereeld beskryf as ‘n kruising tussen Demi Moore en Moeder Theresa.
Die staatsaanklaers het gesê Kaessmann (51) was “heeltemal buite beheer toe sy bestuur het” nadat die polisie haar luukse Volklwagen Phaeton laat Saterdagaand van die pad afgetrek het.
Sy het ‘n rooilig slegs 500 meter van haar huis af, oorgesteek.
Sy is na die polisiestasie geneem nadat sy ‘n asemklikkertoets gedop het.
Die biskop is vyf keer oor die wettige limiet gewees en staar nou ‘n stewige boete in die gesig, asook die moontlikheid om haar lisensie vir ‘n jaar te verloor.
"Ek is baie geskok in myself dat ek so ‘n groot fout begaan het. Ek weet hoe gevaarlik en onverantwoordelik dit is om dronk te bestuur. Ek aanvaar alle regstappe wat teen my geneem word,” het die Bild berig.
Kaessmann het groot opgang onder die Duitse media gemaak nadat sy in 2007 die eerste biskop geword het wat van haar man geskei het. Sy het pas borskanker verower en al oor die 30 boeke geskryf.
Die voorval het gedurende die vastyd plaasgevind waartydens talle Chistene vir 'n paar weke iets opgee soos vleis of sjokolade.
“Ek gaan alkohol opgee,” het Kaessmann verlede jaar gesê.
"Ek het skielik besef hoe vinnig ‘n glas wyn per aand ‘n gewoonte kan raak,” het sy bygevoeg.
-Sapa-AFP