Bin Laden agter mislukte aanval
2010-01-24 12:00
Kaïro - Al-Kaïda-leier Osama Bin Laden het 'n nuwe stemboodskap uitgereik waarop hy verantwoordelikheid neem vir die bompoging in Detroit op Kersdag en waarsku dat daar verdere aanvalle sal wees.
In 'n opname wat deur die Al-Jazeera Arabiese nuuskanaal uitgesaai is, rig Bin Laden 'n boodskap aan die Amerikaanse president, Barack Obama, en sê hy die boodskap was soos die een op September 11 en dat die V.S.A. nog aanvalle kan verwag.
"Die boodskap wat oorgedra is deur die vliegtuig van die heroïese vegter Umar Farouk Abdulmutallab was 'n bevestiging van die vorige boodskappe wat deur die helde van September 11 gestuur is," het hy gesê.
"Amerika sal nooit droom van sekerheid tensy ons dit in realiteit in Palestina het," het hy bygevoeg. "As dit God se wil is sal ons aanvalle op julle aanhou so lank soos wat julle die Israelies aanhou ondersteun."
Abdul Farouk Abdulmutallab, 'n Nigeriër, het op Kersdag probeer om
plofstof aan boord van ‘n vliegtuig bo Detroit, Michigan, af te sit, maar die bom het nie ontplof nie.
Abdulmutallab het vroeër aan ondersoekbeamptes gesê hy is ‘n Al-Kaïda-filiaal.
Daar was geen manier om te bevestig of die stem regtig die van Bin Laden was nie, maar dit is baie dieselfde as vorige opnames wat wel aan hom toegedig is.
- Sapa