Bielie van 'n baba in China gebore
2012-02-08 11:08
Beijing – ‘n Ma in Sentraal-China het die lewe geskenk aan 'n babaseun wat 7,04 kg weeg en dalk die grootste pasgebore baba ooit in die land is.
Die staatbeheerde Tianjin Post het Dinsdag berig die 29-jarige ma in die Henan-provinsie het Saterdag 'n keisersnee ondergaan.
Die geboorte het slegs 20 minute geduur en die ma en baba, wat Chun Chun heet, is albei gesond.
Chun Chun se ouers is van gemiddelde grootte en daar was niks ongewoon aan sy ma se swangerskap of dieet nie.
Dit is nog nie duidelik of Chun Chun dit tot in China se rekordboeke gemaak het nie.
Volgens Guinness World Records is die swaarste pasgebore baba wat nog ooit aangemeld is in 1879 in Ohio gebore en het 10,77 kg geweeg.
– Volg Nuus24 op Twitter
- Sapa - AP