Bewyse oorweldigend, sê prins oor moordkomplot
2011-10-12 18:54
Londen – ‘n Saoediese prins en voormalige hoof van intelligensie van dié land sê die bewyse dat Iran die dryfveer was agter 'n
komplot om die Saoediese ambassadeur in Amerika te vermoor, oorweldigend is.
“Die bewyse is oorweldigend en wys duidelik
dat Iran amptelik hiervoor verantwoordelik is.
“Iemand in Iran sal hiervoor moet betaal,” het
die Saoediese Prins, Turki al-Faisa, by ‘n konferensie in Londen gesê.
"Dit maak nie saak watter rang die persoon is nie."
Die prins was in die verlede self ‘n
ambassadeur vir Saoedi-Arabië in beide Amerika en Brittanje.
Hy het gesê die komplot om die huidige
ambassadeur in Washington te vermoor is “uiters krimineel”.
Die Amerikaanse departement van justisie het
twee mans daarvan aangekla dat hulle in sameswering met Iran beplan het om die
Saoediese ambassadeur, Adel al-Jubeir, in Amerika te vermoor.
Volg Nuus24 op Twitter.
- AFP