Betogers ruk hand uit, polisie gryp in
2009-12-14 19:14
Kopenhagen – Die Deense polisie het traangas gebruik om oproerige betogers in bedwang te bring nadat hulle by die detensiesentrum, waar hulle aangehou word, begin hand uit ruk het.
Henrik Moeller Jakobsen, ’n polisiewoordvoerder het gesê die betogers het banke gebruik om die deure by die sentrum in Kopenhagen oop te forseer.
"Die polisie het ’n klein hoeveelheid traangas gebruik” om kalmte te herwin, het hy aan AFP gesê.
Sowat 260 mense is Sondag gedurende ’n protesaksie teen klimaatsverandering in Kopenhagen in hegtenis geneem.
Volgens twee gevangenes, asook lede van die groep, Modkraft, is “honderde” betrokke by die oproerigheid. Die polisie is gedwing om alles in die selle te verwyder, insluitend water en beddens.
Deense owerhede het beide Saterdag en Sondag altesaam 1200 omgewingsaktiviste wat aan die optog deelgeneem het, in hegtenis geneem.
Dié oortreders kan met toestemming tot 112 ure aangehou word.
-Sapa-AFP