Betogers breek by parlement in
2010-04-07 11:07
Bangkok – Anti-regering betogers het Woensdagoggend by die parlementsgebou ingebreek nadat wetmakers hulle sitting gestaak het, het ’n Thailandse se televisiestasie berig.
Sommige wetgewers het by ‘n muur opgeklim om te probeer ontsnap.
Thai PBS, ‘n aanlyn-nuuswebwerf het berig dat sommige betogers deur die onluste-polisie gebreek het om die gronde van die parlement binne te kom.
Van die betogers het selfs tot op die tweede verdieping geklim om die gebou binne te kom.
Dit was nie duidelik hoeveel betogers die parlement binnegekom het nie.
Die sogenaamde Red Shirt-betogers het ‘n beroep op die premier, Abhisit Vejjajiva gedoen om die parlement te ontbind en ‘n nuwe verkiesing te loods.
Die betogings duur sedert 12 Maart voort.
’n Black Hawk-helikopter met vyf gewapende soldate aan boord het op die parlement se landingstrook geland om die ministers en wetmakers wat deur die betogers vasgekeer is, op te laai, het die agentskap, CAPO in 'n verslag gesê.
-Sapa-AP