Bestuurder in tref-en-trap-ongeluk gee homself oor
2011-10-07 20:06
Rome – Die bestuurder verantwoordelik vir ‘n
tref-en-trap-ongeluk in Italië wartydens 'n jong Amerikaanse toerleier dood is, het homself aan die polisie oorgegee.
Die verdagte is ‘n plaaslike sakeman wat sê hy
het aan die slaap geraak agter die stuurwiel en Allison Owens (23) noodlottig
getref.
Owens was besig om langs ‘n straat in Toskane
te draf toe die motor haar tref.
Haar lyk is 'n dag of wat later in 'n kanaal langs die kant van die pad gevind.
Sy het as toerleier in dié stad gewerk.
Polisiebeampte Antonio Frassinetto het gesê
dat ondersoekbeamptes die voertuig kon uitken deur die foto's van spoedkameras in die area te bestudeer.
Die verdagte, wie se identiteit nog nie
bekendgemaak is nie, het egter ‘n prokureur genader en homself Vrydag aan die
polisie oorgegee.
Hy sal moontlik van manslag aangekla word.
Volg Nuus24 op Twitter.
- Sapa - AP