Besmette binneaarse voeding eis 12 moeders
2011-02-26 00:21
Jodhpur – Twaalf vroue is dood kort nadat hulle in ‘n staatshospitaal geboorte gegee het.
‘n Polisieondersoek het aan die lig gebring dat die binneaarse voeding wat in die kraameenheid gebruik is, met bakterieë besmet was.
Drie ander swanger vrouens wat binneaarse by Umaid Hospitaal in Jodhpur gekry het, ontvang tans intensiewe sorg.
Die skandaal het die uiters swak standaarde van staatshospitale in Indië weereens na vore gebring.
Jyoti Swaroop Sharma, polisiebeampte van Jodhpur, het gesê die vervaardigers en plaaslike verskaffer van die vloeistof word ondersoek.
Verlede jaar is vier mense dood nadat hulle bloedoortappings by die Umaid Hospitaal in Rajasthan ontvang het wat met MIV/Vigs en hepatitis C besmet was.
Volg Nuus24 op Twitter.
- AFP