Besluit oor Strauss-Khan se verhoor uitgestel

2012-11-28 16:24

Lille – ‘n Franse hof het 'n besluit of hy aanklagte gaan terugtrek wat Dominique Strauss-Kahn by ‘n onwettige prostitusiekartel betrek, uitgestel.

Aanklaers het Woensdag gesê dat die hof op 19 Desember sal sê of die saak teen die voormalige hoof van die Internasionale Monetêre Fonds (IMF) laat vaar is.

Strauss-Kahn is saam met twee sakemanne en ‘n polisiehoof aangekla nadat hy by ‘n onwettige prostitusiekartel betrek is.

Hy het al erken dat hy met baie van die vroue seks gehad het, maar beweer hy het nie geweet dat hulle betaal word nie.

Sy vrou, Anne Sinclair, het hom in Julie om ‘n egskeiding gedagvaar.

Strauss-Kahn se loopbaan het in duie gestort nadat hy in hegtenis geneem is oor 'n hotelwerker se bewerings van seksuele aanranding.

Die aanklagte is later laat vaar.

– Volg Nuus24 op Twitter
 

- Sapa - AFP