Beseerde student sterf ná onluste
2011-01-22 22:00
Aden – ‘n Student wat tydens onluste tussen gewapende mans en sekuriteitsmagte beseer is, het Saterdag aan sy beserings beswyk, het mediese beamptes gesê.
Die 27-jarige man, wat ingenieurswese gestudeer het, het in ‘n hospitaal in Aden, Jemen gesterf. Volgens beamptes is die man ure nadat hy opgeneem is, oorlede.
Volgens ooggetuies is twee mense tydens die gewelddadige botsings in die Al-Saada-buurt gewond. Hulle is beseer toe sekuriteitsmagte mense wat betoog het, uitmekaar probeer jaag.
Bronne sê agt betogers is in hegtenis geneem.
Volg Nuus24 op Twitter.
- Sapa - AFP