Berlusconi se skelmpie is swanger
2011-07-12 22:17
Rome – Die tiener-buikdanser wat by die Silvio Berlusconi
seksskandaal betrokke is, is verwagtend en beplan om binnekort te trou.
“Ek gaan in Desember ‘n ma wees,” het Karima
El-Mahroug (18), beter bekend as "Ruby the Heart Stealer", aan Chi, ‘n Italiaanse skinderblad,
gesê.
Sy’t bygevoeg dat haar kêrel, Luca Rizzo, die
pa van haar kind is.
“Ek gaan in Italië geboorte skenk.
“Daarna gaan ek en Luca trou en êrens in die
buiteland woon,” het sy gesê.
Na bewering het Karima op verskeie geleenthede
seks met Berlusconi gehad toe sy nog 17 jaar oud was.
Premier Silvio Berlusconi word verhoor in
verband met bewerings dat hy betaal het vir seks met die 17-jarige Karima
El-Mahroug en sy invloed gebruik het om dit toe te smeer.
Volg Nuus24 op Twitter.
- Sapa - AFP