Berlusconi se aansien daal
2009-09-16 17:00
Rome – Die Italiaanse premier, Silvio Berlusconi, se publieke aansien het ‘n laagtepunt van 47% bereik, het ‘n meningspeiling wat Woensdag deur La Repubblica koerant gepubliseer is, getoon.
Skandale in sy privaatlewe en verdelings binne sy regering het daartoe gelei dat Berlusconi se stemmetal van 62% in Oktober afgeneem het.
“Wat uitstaan is dat die regering die prys vir interne spanning betaal en Berlusconi weet nie hoe om dit te bestuur nie,” het Repubblica berig.
Berlusconi is in ‘n dispuut met Gianfranco Fini, die Italisaanse minister van buitelandse sake, wat die gebrek aan 'n ware demokrasie in die regering kritiseer.
Bo en behalwe dit belemmer Berlusconi se persoonlike lewe en skandale oor die vroue in sy lewe ook sy beeld.
Berlusconi se gunstigheid het met twee persentasiepunte gedaal vanaf die vorige meningspeiling in Julie toe sy populariteit onder 50% gedaal het, die eerste keer sedert hy weer in Mei 2008 aan bewind gekom het.
Die peiling, waaraan 1000 mense deelgeneem het, is tussen 11 en 13 September uitgevoer, het Repubblica berig.
- Sapa-AFP