Berlusconi in hospitaal met oogprobleem

2013-03-08 15:58

Rome – Silvio Berlusconi is Vrydag weens ‘n oogtoestand gehospitaliseer en dokters het hom beveel om vir ‘n week by die huis te bly en nie die volgende hofsitting van sy seksverhoor by te woon nie, het die plaaslike media Vrydag berig.

Die konserwatiewe leier sukkel met inflammasie in sy oog wat met oogdruppels en ander medikasie behandel word, het sy persoonlike dokter, Alberto Zangrillo, aan die Adnkronos-nuusagentskap gesê.

Prokureurs wat Berlusconi teen aanklagte van die uitlokking van ‘n minderjarige prostituut en die misbruik van mag verdedig, het gesê dat die 76-jarige by die San Raffaele-hospitaal in Milaan opgeneem is.

Berlusconi “kort minstens sewe dae van absolute rus met geen blootstelling aan lig nie,” het Alberto Zangrillo aan Adnkronos gesê.

– Volg Nuus24 op Twitter 

- Sapa-DPA