Beloning vir inligting oor Taliban-slagoffer

2012-10-12 17:45

Lahore – ‘n Militêre woordvoerder in Pakistan sê dat die 14-jarige meisie wat deur die Taliban geskiet is, se toestand bevredigend is.

Hy het egter bygevoeg dat die volgende paar dae kritiek gaan wees.

Asim Saleem Bajwa het Vrydag gesê dat Malala Yousufzai steeds aan ‘n ventilator gekoppel is. Hy het bygevoeg dat haar bloeddruk en hartklop normaal is.

Bajwa het gesê dat die koeël haar in die kop getref het en toe na haar ruggraat beweeg het. Dit is egter nog te gou om te sê of sy enige beduidende kopbeserings opgedoen het.

Malala Yousafzai, wat 'n aktivis is vir meisies se regte op onderwys in Pakistan, is Dinsdag geskiet toe sy van die skool op pad was huis toe.

Intussen het die Taliban bekend gemaak dat hulle weer die meisie en haar skool sal teiken. Die Taliban het Yousafzai daarvan beskuldig dat sy onheilighede bevorder.

Die skietery het verontwaardiging en betogings regoor Pakistan aangewakker.

Plaaslike amptenare het ‘n belonging van $105 000 (sowat R900 000) aangebied vir enigiemand wat inligting het oor die aanvallers.

– Volg Nuus24 op Twitter

- Sapa - AP