Beloning aangebied ná Tibettane sterf

2012-10-25 13:23

Beijing – Die polisie het 'n beloning van $16 000 (sowat R139 000) aangebied vir inligting oor diegene wat verantwoordelik is vir 'n rits voorvalle waarin mense hulself aan die brand gesteek het.

Kennisgewings is in die Gansu-provinsie opgeplak nadat verskeie Tibettane hulself aan die brand gesteek het uit protes teen China se bewind in die streek.

"Enigiemand wat owerhede in kennis stel van mense wat beplan, aanhits om uit te voer, of mense beheer en lok om hulself aan die brand te steek, sal 'n beloning van 50 000 yuan (sowat R70 000) ontvang," lui 'n kennisgewing wat opgeplak is.

"Enigiemand wat korrekte inligting verskaf oor diegene wat verantwoordelik is vir die vier voorvalle wat reeds plaasgevind het, sal 200 000 yuan (sowat R278 000) ontvang."

Die polisie in Gannan het bevestig dat hulle die kennisgewings opgeplak het en belonings aanbied.

Sowat 60 etniese Tibettane, baie van hulle monnike en nonne, het hulself sedert Februarie 2009 in China aan die brand gesteek.

– Volg Nuus24 op Twitter

- SAPA