Belgiese skieter was voorheen in tronk
2011-12-13 20:54
Liege – Amptenare sê Nordine Amrani (33), die man wat Dinsdag mense by 'n besige markplein in die Belgiese stad Liege met handgranate en 'n vuurwapen aangeval het, het voorheen tronkstraf uitgedien vir verskeie misdade wat wapens, dwelms en seksuele mishandeling insluit.
Volgens berigte was Amrani op pad na 'n polisiekantoor om ondervra te word toe hy die aanval geloods het.
'n Vyftienjarige seun het op die toneel beswyk en 'n 17-jarige meisie en 57-jarige vrou is later in die hospitaal dood.
"Daar is verskeie mense wat ernstig beseer is," het Daniel Ransart direkteur van die Citadel-hospitaal gesê.
Amrani het homself ná die aanval geskiet.
Volg Nuus24 op Twitter.