België-aanval: dodetal styg
2011-12-15 18:00
Liege - Die dodetal in die België-aanval het Donderdag tot vyf gestyg.
’n 75-jarige vrou wat in die aanval beseer is, is Donderdag in die hospitaal dood, het beamptes gesê.
Twintig van sowat 125 mense wat ook beseer is in dié voorval, is nog in die hospitaal, berig die BBC. Vier is in die intensiewe-eenheid.
Die aanvaller, Nordine Amrani wat voorheen tronkstraf uitgedien het vir verskeie misdade, het Dinsdag op inkopiegangers by 'n markplein in die Belgiese stad Liege losgebrand.
‘n Vrou se lyk is later by Amrani se huis gevind. Die vrou het as ‘n skoonmaker vir een van Nordine Amrani (33) se bure gewerk.
Amrani is ook in dié aanval dood.
Lees meer hier.
Volg Nuus24 op Twitter