Belastingfout tref miljoene in Brittanje
2010-09-07 18:42
Londen - Britse owerhede het Dinsdag begin om die eerste van sowat ses miljoen mense, vir wie hulle die verkeerde bedrag in inkomste belasting betaal het, in kennis te stel.
Dít is weens 'n fout in die stelsel.
Sowat 4,3 miljoen mense het te veel belasting betaal en sal vergoed word, maar 'n verdere 1,4 miljoen mense het te min betaal en moet elk die gemiddelde bedrag van £1428 (sowat R15 000) terugbetaal.
Die belastingdepartement het die eerste 45 000 briewe na die mense wat geaffekteer is uitgestuur, met die res wat ná Kersfees by hulle sal uitkom.
Volgens mediaberigte is 'n totaal van £2 miljard oor die afgelope twee jaar deur die PAYE-stelsel onderbetaal, terwyl £1,8 miljard oorbetaal is.
'n Klein aantal sake moet herassesseer word omdat mense versuim om die regering in kennis te stel as hul omstandighede verander, maar 'n groter aantal foute het vanjaar het weens 'n nuwe rekenaarstelsel ingesluip.
- SAPA