Bejaarde vas vir dronkbestuur op stoel
2009-10-23 00:45
Minnesota, Amerika – ‘n Man van Minnesota het skuldig gepleit op ‘n klagte van dronkbestuur nadat hy gevang is op sy 'La-Z-Boy-stoel' terwyl hy onder die invloed van drank was.
Die aanklaer sê Dennis LeRoy Anderson (62) het aan polisie gesê hy het ‘n kroeg verlaat op sy stoel nadat hy agt of nege biere gedrink het.
Anderson se bloedalkoholvlakke was 0.29, meer as drie keer wat wettig is, toe hy in ‘n motor wat parkeer was vasgery het.
Die voorval het in Augustus 2008 plaasgevind en hy is nie ernstig beseer nie.
Anderson se stoel is deur ‘n grassnyer-enjin gedryf en het ook gespog met ‘n ingeboude klanksisteem en houers vir drankies.
Regter Heather Sweetland het 180 dae tronkstraf en ‘n opgeskorte vonnis van twee jaar toegedien.
- Sapa