Bejaarde pa van mishandeling verdink
2011-08-25 18:58
Wene – ‘n Tagtigjarige Oostenrykse pa word daarvan
verdink dat hy sy twee dogters vir meer as 40 seksueel mishandel en feitlik
nooit uit die huis uit laat gaan het nie.
Die saak word tans deur die Oostenrykse polisie ondersoek, alhoewel die man nog nie nie amptelik aangekla is nie.
Volgens ‘n verklaring deur die Oostenryk
polisie het die man vanaf 1970 tot Mei vanjaar na bewering sy dogters, wat nou
53 en 45 jaar oud is, weerhou van enige sosiale kontak en hulle gereeld met
geweld en selfs die dood gedreig.
Die saak het aan die lig gekom ná die man vir twee dae hulpeloos op die vloer van hul huis gelê het vóór sy dogters die welsyn gebel het.
Die oudste dogter het hom omgestamp ná hy haar
probeer verkrag het en skynbaar het nie sy of haar suster hul pa weer
opgehelp nie.
Die pa en sy dogters bly al vir jare lank in
dieselfde kamer, waar die dogters op twee smal houtbankies slaap.
Die dogters se ma, wat ook gereeld deur hom
mishandel en geslaan is, is in 2008 oorlede.
Welsynswerkers was bewus van die situasie,
maar nie die dogters of hul ma wou skynbaar ooit ‘n klag teen die man aanhangig maak
nie.
Albei dogters blyk om aan ‘n mate van verstandelike
gestremdheid te ly.
Die man is sedertdien na ‘n ouetehuis geneem
en mag vir ten minste ses maande nie huis toe gaan nie.
Volg Nuus24 op Twitter.
- Sapa - AFP