Bejaarde bankrower word gesoek
2009-11-18 20:32
San Diego – ‘n Bejaarde bankrower wat deur die Amerikaanse media die “Geezer Bandit” genoem word, het sy vyfde bank sedert Augustus beroof.
Dit het daartoe gelei dat moedelose amptenare drie belonings aanbied vir die een wat hom kan vastrek, het die San Diego Tribune Woensdag gesê.
Die rower wat as lank, maer en oor die 70 jaar oud beskryf word, het ‘n rewolwer en dra ‘n bofbalkeppie, ‘n blou baadjie en ‘n paar lae klere.
Hy het laat in Augustus in Santee in San Diego sy eerste bank beroof en het sedertdien nog vier takke beroof.
Die mees onlangse een was Maandagaand toe hy ‘n rewolwer uitgeruk het en geld van ‘n bankteller gevra het, het die verslag gesê.
Die FBI en plaaslike polisie-agentskappe is op soek na die publiek se hulp om die onbekende bankrower te identifiseer, maar hulle waarsku dat hy gewapen en gevaarlik is.
- Sapa-dpa